Hvernig nota ég frostþurrkaðar vörur?

Notaðu duftið til að þeyta saman við bústið, próteinsjeikinn eða mjólkurhristinginn til að fá náttúrulegt ávaxtabragð. Gott er að byrja á 1/2 - 1 matskeið og smakka sig svo áfram.

Hrærðu duftinu saman við jógúrtið eða skyrið til að fá ávaxtabragðið og næringarefnin. Stráðu svo stökku ávaxtakurlinu út á til að setja punktinn yfir i-ið.
Kurlið er líka frábært út í múslíið og út á ísinn.

Hrærðu/þeyttu ávaxtaduftinu saman við kökukremið eða þeytta rjómann. Þannig færðu náttúrulegt litar og bragðefni til að skreyta kökurnar og pönnukökurnar. Byrjaðu á að setja 1-2 teskeiðar af dufti út í kremið/rjómann og smakkaðu þig svo áfram.
Hrærðu 2-3 msk saman við ísblönduna eða stráðu kurlinu yfir ísinn til að fullkomna hann.

Spínatdufti má lauma út í pottrétti, súpur og pönnukökur. 1 tsk jafngildir um það bil lúku af fersku spínati.

Bananaduftið hentar frábærlega í amerískar pönnukökur og bananabrauð.

2 msk af bananadufti jafngilda u.þ.b. einum ferskum banana.

Settu 1-2 msk út í pönnukökudeigið og smakkaðu þig svo áfram.

Sveppaduft- og kurl gefa kraftmikið sveppabragð og er tilbúið til að setja beint út í súpur og sósur. Kurlinu má líka strá yfir pastaréttinn, salatið eða sunnudagssteikina.

Duftið er frábært til að þeyta saman við smjör. Byrjaðu á 1-2 tsk og smakkaðu þig svo áfram.